ئەنجومەنی وەزیرانی عێراق، بڕیاری خەرجکردنی مووچەی مانگی 10ـی فەرمانبەرانی هەرێمی کوردستانی دا.
بەپێی زانیارییەکانی تۆڕی میدیایی ئێستا، لە کۆبوونەوەی ئێستای ئەنجومەنی وەزیرانی عێراقدا، محەمەد شیاع سودانی، وەزیری دارایی راسپارد بە خەرجکردنی مووچەی مانگی 10ـی مووچەخۆرانی هەرێمی کوردستان.
پێشتر سەرچاوەیەکی تایبەت بە تۆڕی میدیایی ئێستای راگەیاندبوو، رۆژی سێشەممە بڕیاری خەرجکردنی مووچە دەدرێت، رۆژی چوارشەممە خەرجدەکرێت و رۆژی پێنجشەممەش، دەست بە دابەشکردنی دەکرێت.
