پەیامنێری تۆڕی میدیایی ئێستا لە هەولێر گواستییەوە، كەمێك پێش ئێستا بەرامبەر نەخۆشخانەی شار تەقە لە هاوڵاتییەك كرا و كوژرا.
راشیگەیاند، رووداوەكە بەرامبەر نەخۆشخانەی شار و نزیك شەقامی 60 مەتریی بووە و دەستدرێژی گوللە لە كەسێك كراوە و تائێستا وردەكاریی رووداوەكە لەلایەن هێزە ئەمنییەكانەوە بڵاونەكراوەتەوە.
ئاماژەی بۆ ئەوەش كرد، هێزە ئەمنییەكانی هەولێر لە شوێنی رووداوەكەن و لێكۆڵینەوەیان دەستپێكردووە.
