کەمێک بەرلە ئێستا گوللـەتۆپێک لە نزیک سەربازگەیەکی تورکیا لە بامەڕنێ کەوتەخوارەوە و بەهۆیەوە ئاگر لە باخی هاوڵاتییان و دارستانی ناوچەکە کەوتەوە.
پەیامنێری تۆڕی میدیایی ئێستا لە دهۆک گواستییەوە، لە کاتژمێر 12:00ی نیوەڕۆی ئەمڕۆ گوللـە تۆپێک لە نزیک سەربازگەیەکی تورکیا لە بامەڕنێ کەوتووەتەخوارەوە و بەهۆیەوە ئاگر لە دارستان و باخی هاوڵاتییان کەوتووەتەوە، دوای ماوەیەک ئاگرەکە لەلایەن بەرگریی شارستانییەوە کوژێنرایەوە.
کەوتنەخوارەوەی گوللـە تۆپەکە نزیکبووە لە شوێنی نیشتەجێبوونی هاوڵاتییانەوە و ترس و دڵەڕاوکێی لای هاوڵاتییانی ناحیەکە دروستکردووە.
تائێستا ئاراستەی هەڵدانی گوللـە تۆپەکە دیارینەکراوە.
