ئیلۆن مەسک ڕایگەیاند کە لۆگۆی نوێی تویتەر بە ناوی X لە درەنگانی شەوی یەکشەممە بۆ دووشەممە نیشاندەدرێت.
ئاماژەی بەوەشکرد، http://X.COM بووەتە ناونیشانی نوێ بۆ تویتەر جگە لە ناونیشانی ئێستای.
ماسک کە خاوەنی کۆمپانیای تویتەرە، پێشتر رایگەیاند کە بەکارهێنەرانی تۆڕەکە ماڵئاوایی لەو باڵندەیە دەکەن کە نوێنەرایەتی لۆگۆ و هێمای بازرگانیی تویتەر دەکات، بۆ ئەوەی لۆگۆیەکی نوێ جێگەی بگرێتەوە.
ماسک لە پەڕەی تایبەتی خۆی لە تویتەر نووسیویەتی، بەم زووانە ماڵئاوایی لە براندی تویتەر دەکەین، هەروەها بیر لەوە دەکاتەوە باڵندەکە بە ئێکس بگۆڕێت، کە تێیدا بەرجەستەکردنی ناتەواوی مرۆڤ دەبێت، ئەمەش وای لێدەکات ناوازە بێت.
