ئەمشەو، چوارشەممە ڕوبەڕوبوونەوەیەکی گرنگی قۆناغی چارەکی کۆتایی جامی ڕایەڵەی یانە ئینگلزییەکان “کاراباو کەپ” ئەنجامدرا، یانەی تۆتنهام بە بردنەوەی لە ستۆک سیتی بلیتی قۆناغی نیوەی کۆتایی بڕی.
لە بریتانیا ستادیەم یانەی ستۆک سیتی میوانداری یانەی تۆتنهامی کرد و ئەستێرەکانی مۆرینیۆ بە ئەنجامی سێ گۆڵ بەرانبەر گۆڵێک بردنەوەیان تۆمارکرد.
گۆڵەکەی ستۆک سیتی لە خولەکی 53 لەلایەن جۆردان تۆمیسۆن و گۆڵەکانی سپێرز لە خولەکەکانی 22 و 70 و 82 لەلایەن گاریس بەیل و بن دەیڤیز و هاری کەینەوە تۆمارکران.
بەپێی ئەنجامە تۆمارکراوەکە، یانەی تۆتنهام هاوشانی یانەکانی مانچستەر سیتی و برێنتفۆرد سەرکەوتنی بۆ قۆناغی نیوەی کۆتایی جامی ڕایەڵەی یانە ئینگلیزییەکان “کاراباو کەپ” مسۆگەرکرد.
بڕیاریشە ئەمشەو لە هەمان قۆناغدا، یانەی ئێڤەرتۆن لە گۆدیسۆن پارک میوانداری یانەی مانچستەر یونایرد بکات.
