بەپێی پێشبینییەکانی کەشناسیی هەرێمی کوردستان بۆ ئەمڕۆ و بەیانی، لە سبەینێدا پلەکانی گەرما بەرزدەبنەوە و لە دوو ناوچەش دەگەنە 50 پلە و بەرزتر.
کەشناسیی هەرێمی کوردستان رایگەیاند، ئەمڕۆ ئاسمان ساماڵ دەبێت و پلەکانی گەرما هاوشێوەی رۆژانی پێشوو دەبێت.
بەرزترین پلەی گەرما لە گەرمیان دەبێت کە 49 پلەی سەدییە و لە کەرکوک 48 پلە و لە هەڵيبجە 45 پلە، هەولێر 44 پلە، دهۆک 42 پلە و لە سلێمانی 41 پلە دەبێت.
بۆ سبەینێ پلەکانی گەرما بە 1 بۆ 3 پلە بەرزدەبنەوە و لە گەرمیان بەرزترین پلەی گەرما دەگاتە 51 پلە و لە کەرکوکیش 50 پلە، هەروەها لە هەڵەبجە 46 پلە، هەولێر 45 پلە، دهۆک 44 پلە و لە سلێمانی 43 پلەی سەدی تۆماردەکرێت.
هەروەها کەشناسیی عێراق ئاشکرایکرد کە سبەینێ لە 15 پارێزگای وڵاتدا بەرزترین پلەی گەرما دەگاتە 45 پلەی سەدی.
