لویس سوارێز یانەی گریمیۆی ئاگادارکردووەتەوە، کە بەم نزیکانە وازهێنان ڕادەگەیەنێت.
بەگوێرەی زانیارییەکانی ماڵپەڕی (GZH)، لویس سوارێز ماوەیەکە بەهۆی ئازاری ئەژنۆیەوە دەناڵێنێت و کار گەیشتووەتە ئەوەی نەتوانێت بەشێوەیەکی ئاسایی یاریبکات، بە کەسە نزیکەکانی ڕاگەیاندووە بەو دۆخەوە مەحاڵە بتوانێت لە یاریکردن بەردەوامبێت.
بڕیارە لە چەند ڕۆژی داهاتوودا یاریزانە ئەفسانەییەکەی ئورۆگوای لەگەڵ لێپرسراوی کارەکانی چاویان بە نوێنەرانی ئیدارەی یانەی گریمیۆ بکەوێت و دانوستاندن لەبارەی هەڵوەشاندنەوەی گرێبەستەکەیەوە بکەن.
سوارێز تەمەنی (36) ساڵە و تاوەکو زستانی 2024 گرێبەستی لەگەڵ یانەی گریمیۆی بەڕازیلی واژۆکردووە، یانەی ئینتەر مەیامی یەکێکە لەو یانانەی گرنگییان پێداوە.
سوارێز لەم وەرزەدا 25 یاریی بۆ گریمیۆ کردووە، 11 گۆڵ و هەشت ئەسیستی تۆمارکردووە.
