پاپا فرانسیس، پاپای کریستیانەکانی جیهان نامەیەکی تایبەتی بۆ لیۆ مێسی ئەفسانەی ئەرجەنتینی ناردووە، تیایدا سوپاسی دەکات.
پاپای تەمەن 84 ساڵ درێسێکی پاریس سان جێرمانی بە واژووی لیۆ مێسی-یەوە بە دیاری لەلایەن ئەفسانەکەوە بۆ نێردراوە، دوای گەیشتنی دیارییە بەنرخەکە، پاپا نامەیەکی تایبەتی بۆ یاریزانەکە ناردووە.
لە نامەکەدا هاتووە، “لیۆنێل مێسی، برای ئازیزم، سوپاس بۆ درێسەکەت و ئەو نووسینەی لە دیارییەکەدا ئاراستەت کردووە، سوپاس بۆ پەیوەندیی دۆستانەت، وەک خۆت بەردەوامبە، پەروەردگار بتپارێزێت”.
پەیوەندی نێوان لیۆ مێسی و پاپا فرانسیس پەیوەندییەکی هاوڕێیانەی ئاینییە، بەوپێیەی هەردوو کەسایەتییەکە خاوەن ڕەگەزنامەی ئەرجەنتینن، چەندینجار دیاریی بەنرخیان بۆ یەکدی ناردووە.
