هەندێک لە یاریزانی یانەی بەرشلۆنە دڵخۆشبوون بەوەی، گەڕانەوەی لیۆنێل مێسی بۆ یانە کەتەلۆنییەکە شکستیهێناوە.
بەگوێرەی هەواڵێکی “ئیل ناسیۆناڵ”، مارک ئەندرێ تێر شتیگن و عوسمان دێمبیلی و ئانسو فاتی ئەو یاریزانانە بوون کە پێیان خۆشنەبووە مێسی بگەڕێتەوە، هەریەکێکیش لەو یاریزانانە بەرژەوەندییەکیان لە هەڵوێستەکانیاندا هەبووە.
لە کاتێکدا کۆدەنگی گشتی بارسا ئەوە بوو کە گەڕانەوەی مێسی یارمەتیدەر دەبێت بۆ پێشکەوتنی یانەکە، بەڵام ئەو سێ یاریزانە هەستیانکردووە گەڕانەوەی ئەفسانە سوودی بۆ ژووری جلگۆڕین نابێت و زیانیان پێدەگەیەنێت.
تێر شتیگن کێشەی لە “ئارم باند”ی کاپیتانۆدا هەبووە، دووانەکەی دیکەش پێیانوابووە گەڕانەوەی “پوڵگا” ناچاریان دەکات ڕوو لە یانەیەکی دیکە بکەن.
