سەرچاوەیەکی نزیک لە یانەی یوڤانتۆس ئاشکرایکردووە، کە گرێبەستی ئەنخێل دی ماریا نوێ ناکرێتەوە.
ڕۆمیۆ ئاگیرێستیی ڕۆژنامەنووسی نزیک لە یانەی یوڤانتۆس ئاشکرایکردووە، کە ئیدارەی یوڤانتۆس بڕیاریداوە گرێبەستی ئەنخێل دی ماریا نوێ نەکاتەوە.
دی ماریای تەمەن (35) ساڵ، هاوینی ڕابردوو بێبەرامبەر لە پاریسەوە ڕوویکردە یوڤانتۆس، مووچەی ساڵانەی حەوت ملیۆن یورۆیە و بەشداری (38) یاری کردووە، تەنها هەشت گۆڵ و حەوت ئەسیستی کردووە.
بەڕێوەبەرانی “بیانکۆنێری” بڕیاریانداوە لەسەر بنەمای تەمەن پێکهاتەکەیان بونیادبنێنەوە، بۆ ئەو مەبەستەش لە حوزەیرانی 2023 دەستبەرداری دی ماریای ئەرجەنتینی دەبن و لە جێگەی یاریزانی لاو بە مووچەی کەمتر تەرخان دەکەن.
بە وتەی ئاگێریستی، لێپرسراوی کارەکانی دی ماریا لەگەڵ یانەکانی میلان و ئودینێزی دەستی بە دانوستاندن کردووە.
