یانەی مانچستەر یونایتد لە یاریگای خۆیدا میوانداریی یانەی ساوزامپتنی کرد و یەکسانبوونی تۆمارکرد.
ئەمڕۆ شەممە، لەچێوەی یارییەکانی هەفتەی 25ی خولی نایابی ئینگلتەرا، یانەی مانچستەر یونایتد لە یاریگای ئۆڵدترافۆرد میوانداریی یانەی ساوزامپتنی کرد، یارییەکەش بە یەکسانبوون بە ئەنجامی (1-1) کۆتاییهات.
گۆڵەکەی یونایتد لە خولەکی 21 لەلایەن جادۆن سانچۆوە تۆمارکرا، گۆڵەکەی ساوزامپتن لە خولەکی 48 لەلایەن چی ئادامزەوە تۆمارکرا.
بەپێی ئەنجامە تۆمارکراوەکە، مانچستەر یونایتد بە کۆکردنەوەی 40 خاڵ بەشێوەیەکی کاتی بۆ پلەی پێنجەمی ڕیزبەندیی پریمەرلیگ سەرکەوت، لەبەرامبەردا ساوزامپتن بە 28 خاڵەوە لە پلەی دەیەمی ڕیزبەندییدا وەک هەفتەکانی پێشوو بەردەوامبوو.
