کەشوهەوای ئەمڕۆ و سبەینێی هەرێمی کوردستان خۆڵبارین دەبێت و بەپێی پێشبینییەکانی کەشناسی خێرایی با زیاد دەکات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ یەکشەممە ئاسمان ساماڵ دەبێت و خێرایی با زیاد دەکات و دەگاتە سەروو 15 کیلۆمەتر لە کاتژمێرێکدا.
هەروەها ئەگەری بوونی تۆز و خۆڵبارین هەیە لە بەشێک لە پارێزگاکانی کەرکوک و ئیدارەی گەرمیان، پلەکانی گەرما کەمێک نزمدەبنەوە بەراوورد بە تۆمارکراوەکانی دوێنێ.
سبەینێ دووشەممە ئاسمان ساماڵ و پەڵەهەور دەبێت لەگەڵ نزمبوونەوەى پلەکانى گەرما بە نزیکەى (1-3) پلەى سیلیزى.
