سەرۆكی دیوانی ئەنجومەنی وەزیرانی هەرێم رایدەگەیەنێت بۆ مووچەی مانگی 10 تیمێكی تەكنیكیی هەرێم لە بەغدان و چاوەڕوانی تەرخانی دارایین و دەشڵێت، “لیستی مووچەی مانگی 10 ئامادەیە كە بۆ وەزارەتی دارایی عێراق بنێردرێت”.
ئومێد سەباح سەرۆكی دیوانی ئەنجومەنی وەزیرانی هەرێم لە لێدوانێكی رۆژنامەوانیدا لە بەغداد رایگەیاند، سەبارەت بە مووچەی مانگی 10 تیمێكی تەكنیكیی هەرێم لە بەغدان و باس لە پرسی مووچەی مانگی 10 دەكرێت و چەند گرفتێك هەن كە تایبەتن بە تەرخانكراوی دارایی بۆ سەرەمووچە و بەرزەمووچە و زامنكردنی مووچەی سێ مانگی كۆتایی ئەمساڵ.
راشیگەیاند، لیستی مووچەی مانگی 10 ئامادەیە كە بۆ وەزارەتی دارایی عێراق بنێردرێت.
