بەرەبەیانی ئەمڕۆ هونەرمەندی ناسراوی عێراقی موحسن عەزاوی بەهۆی نەخۆشییەوە کۆچی دواییکرد.
سینان عەزاوی کوڕی هونەرمەند موحسن عەزاوی بڵاویکردەوە، “دوای 12 رۆژ لە نەخۆشکەوتنی باوکم مۆمی جەستەی کوژاندەوە و مۆمی رۆحی داگیرساند و کۆچی دواییکرد”.
موحسن عەزاوی لەدایکبووی ساڵی 1939ی پارێزگای ناسرییەی عێراق بوو، ئەکتەر و دەرهێنەر و توێژەری شانۆیی عێراقی بوو،خاوەنی بڕوانامەی دبلۆم بوو لە بەشی شانۆی پەیمانگەی هونەرە جوانەکانی بەغداد، لە پەیمانگەی هونەرە درامی و مۆسیقییەکانی پراگ لە چیکۆسلۆڤاکیای جاران بڕوانامەی بەدەستهێناوە، دواتر بڕوانامەی دکتۆرای لە زانکۆی چارلز لە هەمان وڵات بەدەستهێناوە، لە ماوەی ژیانیدا خاوەنی دەیان کاری هونەرییە.
لە ژیانیدا چەندین پۆستی ئیداری لە دامەزراوە هونەرییەکان وەرگرتووە.
