موقتەدا سەدر لەبارەی بڕیارە نوێیەكەی بانكی ناوەندیی عێراقەوە ئاماژەی بەوەكرد، “بانكی ناوەندی و تەواوی بانكەكانی دیكە دیلی دەستی گەندەڵی و گەندەڵكارانن”.
پاش ئەوەی ئێوارەی ئەمڕۆ شەممە 19ی كانونی یەكەم بانكی ناوەندیی عێراق بڕیاریدا بە دابەزاندنی بەهای دینار بەرامبەر بە دۆلاری ئەمریكی، موقتەدا سەدر، سەركردەی ڕەوتی سەدر لە تویتەر نوسیویەتی، “بانكی ناوەندی و تەواوی بانكەكانی دیكە دیلی دەستی گەندەڵی و گەندەڵكارانن”.
سەدر ئەوەشی ڕایگەیاندووە، “پێویستە حكومەت و پەرلەمان كۆتایی بەوە بهێنن و هەوڵبدەن بەخێرایی ڕزگاری بكەن، دابەزاندنی دراو بەس نییە”.
ئەو سەركردە شیعەیەی عێراق ئاماژەی بەوەشكردووە، “ئەو هەنگاوە چەكێكی دوو سەرە و عێراق لە قەیران ڕزگار دەكات و دەیخاتە قەیرانێكی قورسترەوە و تاكە زەرەرمەندیش میلەتە”.
— مقتدى السيد محمد الصدر (@Mu_AlSadr) December 19, 2020
