دووشەممەی داهاتوو خوێندنەوەی دووەم بۆ بودجەی گشتیی عێراق دەكرێت

بڕیارە لەم هەفتەیەدا جارێكی دیكە پەرلەمانی عێراق تایبەت بە، بودجەی گشتیی 2021 دابنیشێت، وەك لە كارنامەكەدا هاتووە.

بەگوێرەی ئەو كارنامەیەی وێنەیەكی دەستی تۆڕی میدیایی ئێستا كەوتووە، پەرلەمانی عێراق ڕۆژی دووشەممە 11ی كانونی دووەم جارێكی دیكە دادەنیشێت.

لە كارنامەكەدا هاتووە، دانیشتنەكەی پەرلەمانی عێراق لە نۆ بڕگە پێكدێت، لە بڕگەی شەشدا هاتووە، “ڕاپۆرت و گفتوگۆ بۆ خوێندنەوەی دووەمی پرۆژەیاسای بودجەی گشتیی فیدراڵیی كۆماری عێراق بۆ ساڵی دارایی 2021”.

ئەوەش لەكاتێكدایە، ئەمڕۆ شەممە 9ی كانونی دووەم، پەرلەمانی عێراق لە دانیشتنێكدا خوێندنەوەی یەكەمی بۆ پرۆژەیاسای بودجەی گشتیی ساڵی 2021 ئەنجامدا.

بابەتی پێشتر

لایپزیچ 1-3 دۆرتمۆند

بابەتی دواتر

ئارسیناڵ 2-0 نیوکاسڵ

بابەتی پەیوەندیدار
Total
1
Share