دیاردەی پەلاماری سەگی بێلانە سنووری قەزای شەنگالیشی گرتووەتەوە و تەنها لەم مانگەدا پەلاماری 23 کەسی داوە.
بەرەكات حەجو بەرێوەبەری بنكەی تەندروستیی خانەسوور بە تۆڕی میدیایی ئێستای وت، “دیاردەی سەگی بێلانە بووەتە کێشەیەکی گەورە لە سنووری قەزای شەنگال و تەنها لە مانگی نیساندا پەلاماری 23 کەسیان داوە و کەسێکیش بەو هۆیەوە گیانیلەدەستداوە”.
ئاماژەی بەوەشکرد، “مەترسی لەسەر ژیانی ژمارەیەک لەو کەسانە دروستبووە کە سەگ پەلاماری داون و لە ئێستادا لە نەخۆشخانەکانی موسڵ و تەلەعفەر چارەسەر وەردەگرن”.
