بەڕێوەبەری پەروەردەی ڕۆژهەڵات لە سلێمانی ئاشكرایدەكات، 1ی ئەیلول ڕۆژی پەیوەندیكردنی مامۆستایانە بۆ ساڵی نوێی خوێندن، جەختیشدەكاتەوە هەر مامۆستایەك هەمان ڕۆژ پەیوەندی نەكات بە نەهاتوو (غیاب) ئەژماردەكرێت.
تریفە محەمەد، بەڕێوەبەری پەروەردەی ڕۆژهەڵات لە سلێمانی لە لێدوانێكدا بە تۆڕی میدیایی ئێستای ڕاگەیاند، بۆ ئەمساڵ 1ی ئەیلول وەكو ڕۆژی پەیوەندیكردنی مامۆستایان بۆ ساڵی نوێی خوێندن دیاریكراوە و هەر مامۆستایەك پەیوەندی نەكات بە نەهاتوو (غیاب) ئەژماردەكرێت.
ئاشكرایكرد، ئەو مامۆستایانەی مۆڵەتی بێمووچەن یاخود دایكایەتییان وەرگرتووە لەو ڕۆژەی مۆڵەتیان وەرگرتووە لە هەمان وادە پەیوەندی بە خوێندنگەكەیانەوە دەكەنەوە.
بەڕێوەبەری پەروەردەی ڕۆژهەڵات جەختیكردەوە، بۆ ئەمساڵیش هاوشێوەی ساڵی ڕابردوو كار بە سیستمی (E parwarda) دەكرێت.
