بەڕێوەبەرایەتیی پۆلیسی گەرمیان رایدەگەیەنێت، بەهۆی دارمانی كەنێك لە نزیك بەنداوی باوەشاسوار لە قەزای كفری شوانێك كەوتە ژێر تاوێر و بەردی ئەو كەنەوە و گیانیلەدەستدا.
بەپێی راگەیەندراوێكی بەڕێوەبەرایەتیی پۆلیسی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێوارەی ئەمڕۆ سێشەمە لە چەمی گەڕەكی ئەو بەری قەزای كفری كەنێك بەسەرگەنجێكی شوانكارێكدا رووخاو و گیانی لەدەستدا.
لە راگەیەندراوەكەدا هاتووە، ئەو گەنجە لەدایكبووی 2001 و لەئەنجامدا گیانیلەدەستدا لەئێستادا تەرمەكەی دەرهێنراوە و بەمەبەستی توێكاری ڕەوانەی پزیشكی دادوەری قەزای كەلار دەكرێت.
