شاڵاو هیدایەت، شارەزای بواری كەشناسی لە لێدوانێكدا بە تۆڕی میدیایی ئێستای راگەیاند، پێشبینیدەكرێت بەفر لە ناوچە شاخاوییەكان ببارێت و ئەگەری دروستبوونی لافاو لە چەند ناوچەیەك هەیە.
راشیگەیاند، قۆناغی یەكەمی شەپۆلی بارانبارین دەستیپێكردووە و ئەمشەو لە گەرمیان، هەڵەبجە، شارەزوور، زۆرینەی سنووری پارێزگای سلێمانی ئەگەری بارانی كەم تاوەكو مامناوەند و ناو بە ناو تاوەكو سبەی هەیە.
باسی لەوەش كردووە، قۆناغی دووەمی شەپۆلی دابارین لە هەینییەوە دەگات و سەرەتاش لە باشوور و ناوەڕاستی گەرمیانەوە و بەتێپەڕبوونی كات كاریگەریی فراوانتر و زیاتر دەبێت و بۆ شەوی هەینی لەسەر شەممە زۆرێك لە ناوچەكان دەگرێتەوە و بۆ رۆژی شەممەی داهاتوو سەرتاسەری ناوچەكە بۆ رۆژانی دواتر و تاوەكو ناوەڕاستی هەفتەكەی دیكە ئەگەری بارینی باران هەیە و لە درەنگانی دووشەممەوە بۆ سێشەممە كۆتایی بەبارودۆخی ناسەقامگیری كەش دێت.
ئاماژەی بۆ ئەوەش كردووە، لەناو ئەم حاڵەتەدا ئەگەری هەورەبروسكە هەیە لەگەڵ زیادبوونی خێرایی بای ناو بە ناو و دروستبوونی لافاو لەهەندێك شوێنی گەرمیان بە تایبەتی و لەگەڵ ناوچە جیاوازەكانی دیكەی عێراق و پێشبینی بارینی بەفر لە شاخاوییە زۆر بەرز و سنوورییە بەرزەكان هەیە.
