بەرەبەیانی ئەمڕۆ ئاگر لە یەکەیەکی نیشتەجێبوون لە شاری دوبەی ئیمارات کەوتەوە و بەهۆیەوە 16 کەس گیانیان لەدەستدا و حەوتی دیکەش برینداربوون.
میدیا عەرەبییەکان بڵاویانکردەوە، “بەرەبەیانی ئەمڕۆ لە یەکێک لە گەڕەکە کۆنەکانی دوبەی ئاگر لە یەکەیەکی نیشتەجێبوون کەوتووەتەوە و بەهۆیەوە 16 کەس بەهۆی سووتانەوە مردوون و حەوتی دیکەش برینداربوون”.
ئاماژەیان بەوەشکرد، “ئاگرەکە لە کاتێکدا روویداوە کە دانیشتووانی یەکەکە لە کاتی خەودا بوون، دوای ماوەیەکیش لەلایەن تیمەکانی بەرگری شارستانییەوە ئاگرەکە کۆنتڕۆڵکراوە”.
بەپێی ئەو لێکۆڵینەوە سەرەتاییانەی لە رووداوەکە کراوە، ئاگرەکە بەهۆی نەبوونی مەرجی سەلامەتی لە بیناکەدا کەوتووەتەوە.
