دەنگی تەقینەوەی گەورە و فڕۆكەی سەربازی پایتەختی سودان و چەند شارێكی ئەو وڵاتەی گرتووەتەوە، سوپا و هێزەكانی پاڵپشتیی خێرا لە رووبەڕووبوونەوەدان.
بەیانی ئەمڕۆ پێكدادان لەنێوان هێزەكانی سوپای سودان و هێزەكانی پاڵپشتیی خێرا دەستپێكرد، هەردوو هێزەكە ئاماژە بەو ناوچە و پێگانە دەكەن كە لەژێر دەسەڵات و كۆنتڕۆڵیاندایە.
سوپای سودان دەڵێت، فڕۆكەی سەربازی سەر بە سوپا لە ئاسمانی خەرتوم-ی پایتەختن و چەند هەڵمەتێكیان بۆسەر هێزەكانی پاڵپشتیی خێرا دەستپێكردووە.
دەشڵێت، تائێستا سەرجەم بنكە و فڕۆكەخانەكان لەژێردەستیدایە بەتایبەت بارەگای فەرماندەیی گشتی هێزە چەكدارەكان.
لای خۆیەوە هێزەكانی پاڵپشتیی خێرا دەڵێت، كۆشكی سەرۆكایەتی كۆماری كۆنتڕۆڵكردووە لەگەڵ بارەگای عەبدولفەتاح بورهان.
هەروەها هەرەیەك لە فڕۆكەخانەی خەرتوم و چەند ناوچەیەكی دیكە، وەك ئەوەی هێزەكانی پاڵپشتیی خێرا ئاماژەی پێداوە.
