کەمێک بەر لە ئێستا لە شاری هەولێر هێزێکی زۆری ئەمنی دەوری ئۆفیسی کۆنگرەی نەتەوەیی کوردستان “کەنەکە”یان دا و رێگە نادرێت هیچ رووماڵێکیش بکرێت.
پەیامنێری تۆڕی میدیایی ئێستا لە هەولێر گواستییەوە، ئەو هێزەی دەوری ئۆفیسی کەنەکەی داوە هێزەکانی ئاسایشن، چ بە جلی سەربازی، چ بە جلی مەدەنییەوە بڵاوەیان پێکراوە و ژمارەیان یەکجار زۆرە.
هێزەکە رێگری لە هەر جۆرە رووماڵێک دەکەن، هەروەها بۆ رێگریکردن لەو کۆنگرە رۆژنامەوانییەی بڕیاربوو ئەمڕۆ کەنەکە سەبارەت بە هێرشەکەی سەر فڕۆکەخانەی سلێمانی ئەنجامی بدات، بڵاوەیانپێکراوە.
