بەڕێوەبەرایەتیی گشتیی كەشناسی و بومەلەرزەزانیی هەرێم بەهۆی ناسەقامگیری كەشوهەواوە هۆشداری دەدات و داوایەكیش ئاراستەی هاوڵاتییان دەكات.
بەپێی راگەیەندراوێكی بەڕێَوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی ناسەقامگیری كەشوهەوای هەرێم كە زۆربەی جۆری هەورەكان هەوری جۆری (كیومولۆنمبوس)ە سەرباری رێژنە باران و بروسكە و تەرزەی لێدەبارێت هاوڵاتییان.
لە راگەیەندراوەكەدا هاتووە، پێویستە هاوڵاتییان بە گشتی و ئەوانەی لە دەشت و كێوەكانن بە تایبەتی شوان و جوتیارەكان خۆیان و ئاژەڵەكانیان بەدووربگرن لە شوێنە بەرزەكان یان ئەگەر بكرێت نەچنە دەرەوە بەهۆی بوونی بارگەیەكی زۆر لە ئاسمانی هەرێم تاوەكو رۆژی هەینی داهاتوو.
