رێکخراوی تەندروستیی جیهانی لە یادی 75 ساڵەی دامەزراندنیدا پێنج هەنگاوی بڵاوکردووەتەوە کە دەبێتە هۆی ئەوەی تەندروستییەکی باشترت هەبێت لەوانەش:
– خەوی پێویست بکە
نەخەوتن بە گوێرەی پێویست لە کاتەکانی شەودا دەبێتە هۆی زیادبوونی مەترسییەکانی جەڵتەی مێشک و رەبۆ و کاریگەری لەسەر درێژبوونی تەمەن دەبێت، بنکەی ئەمریکی بۆ بەرەنگاربوونەوەی نەخۆشییەکان حەوت سەعاتی وەک خەوی پێویست بۆ کەسانی پێگەیشتوو دیاریکردووە.
-خواردنی باش بخۆ
زۆرینەی توێژینەوەکان سیستمی خۆراکی دەریای سپی ناوەڕاستیان بە باشترین سیستمی خواردن داناوە، کە سەرنجی لەسەر بڕێکی زۆر لە سەوزەوات و میوە دانەوێڵە و زەیتی زەیتونە.
– راهێنانی وەرزشی بکە
توێژینەوە پزیشکییەکان سەلماندوویانە وەرزشکردن بۆ ماوەی 11 خولەک لە رۆژێکدا یارمەتی کەمکردنەوەی مەترسییەکانی توشبوون بە نەخۆشییەکانی دڵ و شێرپەنجە دەدات.
-پەیوەندییە کۆمەڵایەتییەکان بەهێزبکە
هەروەک چۆن رۆتینە جەستییەکان کاریگەرییان لەسەر تەندروستیی هەیە، رۆتینە دەروونییەکان و پەیوەندییە کۆمەڵایەتییەکانیش کاریگەرییان هەیە.
بۆ ئەوەی جەستەیەکی تەندروستت هەبێت لە گرنگی بە هاوڕێیەتی و دروستکردنی پەیوەندییە کۆمەڵایەتییەکان بدە.
-بوونی دڵەراوکێ هۆکارە بۆ بەشێک لە نەخۆشییەکانی دڵ و شەکرە و فشاری خوێن، جگە لەوەی دەبێتە هۆی کەمبوونەوەی خەو و نەمانی متمانە و ئالودەبوون بە ماددە هۆشبەرەکان، لە بەرامبەریشدا پابەندبوون بە کاتی نووستن، دروستکردنی پەیوەندی کۆمەڵایەتی وەرزشکردن دڵەراوکێ کەمدەکاتەوە و تەندروستییەکی باشت پێدەبەخشێت.
