بەهای دۆلار بەرامبەر دراوە كێبڕكێكارە سەرەكییەكانی بەجۆرێك دابەرزیوە، كە لەماوەی دوو ساڵ و نیوی ڕابردوودا دابەزینی وای بەخۆیەوە نەبینیوە.
بەگوێرەی هەواڵێكی ئاژانسی ڕۆیتەرز، ئەمڕۆ پێنجشەممە 17ی كانونی یەكەم، بەهای دۆلار بەرامبەر بەو دراوانەی وەك كێبڕكێكاری تەماشا دەكرێن، بەجۆرێك دابەزیوە لەماوەی دوو ساڵ و نیودا دابەزینی بەو جۆرەی بەخۆیەوە نەبینیوە.
هێمای دۆلار بەرامبەر بە دراوە سەرەكییەكان 89.995 خاڵی لەدەستداوە، كە لە مانگی چواری ساڵی 2018ەوە بەو جۆرە نەبووە.
یاسادانەران و یارمەتیدەرانیان لە كۆنگرێسی ئەمریكا، نزیكن لەوەی پرۆژەیاسای یارمەتی بە بەهای 900 ملیار دۆلار پەسەند بكەن، بۆ كەمكردنەوەی كاریگەرییەكانی كۆرۆنا لەسەر ئەمریكا.
