سەرۆكی پەرلەمانی كوردستان، نووسراوی گەڕانەوەی عەلی حەمەساڵح پەرلەمانتاری پێشووی بۆ پیشەی مامۆستایی ئاراستەی حكومەت كردووە.
لە نووسراوێكدا كە بە ناونیشانی “گەڕانەوەی ئەندام بۆ كارەكەی پێشووی” ئاراستەی سەرۆكایەتیی ئەنجومەنی وەزیرانی كردووە، د. رێواز فایەق سەرۆكی پەرلەمانی كوردستان ئاماژە بۆ ئەوە دەكات كە بەپێی پەیڕەوی ناوخۆی پەرلەمان و یاسا، عەلی حەمەساڵح دەتوانێت بگەڕێتەوە بۆ سەر كاری پێشووی كە مامۆستایی بووە.
دوای دەستلەكاركێشانەوەی لە ئەندامێتیی پەرلەمانی كوردستان لە ماوەی رابردوودا، عەلی حەمەساڵح رایگەیاندبوو، حەزدەكات بگەڕێتەوە بۆ سەر كاری پێشووی و ببێتەوە بە مامۆستا.
