بە پێی زانیارییەکان نیگرێرای جێگری سەرۆکی ناوبژیوانانی خولی ئیسپانیا لە ساڵێکدا پێنج بۆ شەش جار چاوی بە ئیدارە و سەرۆکی یانەى بەرشلۆنە کەوتووە.
پەیوەندی ڕاستەوخۆشی هەبووە لەگەڵ ساندرۆ ڕۆسێل و جۆسێپ بارتۆمیۆدا.
نیگرێرا ئەو وسەردەمە وەک ڕاوێژکاری ناوبژیوانی بەرشلۆنە کاری کردووە و چووە سەردانی چەندین یاریی یانە کەتەلۆنییەکەى کردووە.
نیگرێرا دەڵێت: بەرشلۆنە هەستی دەکرد کە ئەو لە ڕووی ناوبژیوانییەوە فێڵی لێدەکرێت، بۆیە گرێبەستی لەگەڵ مندا ئیمزاکرد بۆ ئەوەى ئەگەر توشی حاڵەتێکی گوماناوی بوو لە ڕووی ناوبژیوانییەوە، من بۆیان ڕوونبکەمەوە و هۆکارەکەی ئاشکرابکەم.
ئەوان پێیانوابوو کە بە تایبەت ناوبژیوانەکان دژی بەرشلۆنە هەڵە دەکەن و پشتگیری ڕیاڵ دەکەن بۆیە سوودیان لەخیبرەى من وەردەگرت بۆ ئەوەى ڕوونکردنەوە لەسەر ئەو حاڵەتانە بدەم کە توشیان دەبێت.
