یانەی پاریس سان جێرمان گرێبەستی کریستۆف گالتیێر هەڵدەوەشێنێتەوە و لویس ئێنریکی وەک ڕاهێنەری نوێ دەستنیشاندەکات.
ڕۆژنامەی “لو پاریزیان”ی فەرەنسی ئاشکرایکردووە، کە لە ڕۆژی چوارشەممەوە لویس ئێنریکی ڕاهێنەری ئیسپانی لە شاری پاریسە و وردەکاری گرێبەستەکەی لەگەڵ پاریس سان جێرمان بڕاندووەتەوە.
بەپێی زانیارییەکانی فابریزیۆ ڕۆمانۆی ڕۆژنامەنووس و شارەزای بواری گواستنەوەکان، پاریس لە ئێستادا کار لەسەر هەڵوەشاندنەوەی گرێبەستی کریستۆف گالتیێر دەکات، دوای کۆتاییهاتنی ئەم بابەتە، ڕاستەوخۆ و بەفەرمی بوونی ئێنریکی بە ڕاهێنەری یانە فەرەنسییەکە ئاشکرا دەکرێت.
گرێبەستی نێوان ئێنریکی و پاریس بۆ ماوەی دوو وەرزە، لەگەڵ بژاردەی نوێکردنەوەی بۆ وەرزێکی دیکە.
