ئەلفۆنسۆ دەیڤیز، بەرگریکاری یانەی بایرن میونشن لە چاوپێکەوتنێکدا ئاشکرایدەکات، کە کەسێکی تەنهایە و هەست بە بێزاری دەکات.
دەیڤیز لە “تویچ”ەوە چاوپێکەوتنێک ئەنجامدەدات و وەڵامی چەندین پرسیاری تایبەت بە ژیانی دەداتەوە.
لە یەکێک لە وەڵامەکانیدا دەڵێت، “شتێکی بێزارکەرە ئیشێک نەبێت بیکەیت، کە هاوڕێکانم سەرقاڵی کاری ڕۆژانەیان دەبن، بە تەنهام و تووشی دڵەڕاوکێ دەبم.”
یاریزانە کەنەدییەکە وردەکاری زیاتر ئاشکرادەکات و دەڵێت، “لەبەرئەوەی خێزانم نییە و کچە هاوڕێکەشم لەگەڵمدا ناژی، ئێستا بەتەنهام، ڕەنگە پێنج هاوڕێم هەبێت، بەڵام من لە بابەتە کۆمەڵایەتییەکاندا شکسخواردوەیەکی ناوازە و زۆریش بەناوبانگم.”
لێدوانەکانی دەیڤیز دەریدەخات، لە شاری میونشن هەست بەتەنهایی و بێزاری دەکات، بۆ یەکەم جاریشە دەریدەخات کچە هاوڕێکەی گەڕاوەتەوە ۆ فەرەنسا و لەگەڵیدا ژیان ناگوزەرێنێت.
