ئەمڕۆ دووشەممە نرخی نەوتی خاو لەسەر ئاستی جیهان بەرزبووەوە.
بەپێی گۆڕانكارییە نوێیەكانی بازاڕی وزە، نرخی بەرمیلێك نەوتی خاوی برێنت بە 82.97 دۆلار مامەڵەی پێوەدەكرێت و بەرمیلێك نەوتی خاوی جۆری تەكساس بە 76.88 دۆلارە.
هۆكاری بەرزبوونەوەی نرخی نەوت، بووژانەوەی كەرتی پیشەسازیی چین و لاوازبوونی بازاڕی دۆلارە لەسەر ئاستی جیهان.
ماوەیەكە بەهۆی سووككردنی رێكارەكانی دژ بە پەتای كۆرۆنا لە چین لەلایەن حكومەتی ئەو وڵاتەوە، كەرتی پیشەسازیی چین بووژاوەتەوە و خواست لە ناوخۆی ئەو وڵاتەدا لەسەر نەوتی خاو زیادیكردووە، بەو پێیەی لە زۆرێك لە پیشەسازییەكاندا بەكاردەهێنرێت، سەرئەنجام ئەوەش بووەتەهۆی بەرزبوونەوەی رێژەییانەی نرخی نەوت.
