دەزگای ئاسایشی هەرێمی کوردستان، دەستگیرکردنی دوو بازرگانی ماددەی هۆشبەر ڕادەگەیەنێت.
دەزگای ئاسایشی هەرێمی کوردستان ئاشکرایکرد، بەڕێوەبەرایەتی گشتی ئاسایشی پارێزگای سلێمانی بەهەماهەنگی بەرێوەبەرایەتی ئاسایشی بازگەکان، لە 23ـی تشرینی یەکەمی 2026، دوای ئەنجامدانی پشکنین بۆ ئۆتۆمبێلێک لە یەکێک لەبازگەکانی سنووری سلێمانی توانیان دوو بازرگانی ماددەی هۆشبەری دەستگیربکەن و دەستبگرن بەسەربڕی 87 لیتر ماددەی هۆشبەر لە جۆری کریستاڵ، کە بەشێوەی شل کرابووە چوار دەبەوە بە مەبەستی گواستنەوەی بۆ دەرەوەی وڵات.
ئاماژەی بەوەشکردووە، تۆمەتباران بەماددەی 25 لە یاسای ماددە هۆشبەرەکان و کارتێکارە ئەقڵییەکان، ڕاگیراون و لێکۆڵینەوە لە دۆسییەکانیان بەردەوامە.
