كەسێك لە پارێزگای بەسڕە، پاش ئەوەی دایكی و خێزانی و برایەكی خۆی كوشتووە كۆتایی بە ژیانی خۆشی هێناوە.
سەرچاوەیەكی ئەمنی ئەمڕۆ سێشەممە 15ی كانونی یەكەم بە میدیا عێراقییەكانی ڕاگەیاندووە، “لە پارێزگای بەسڕە، كەسێك كۆتایی بە ژیانی خۆی هێنا، پاش ئەوەی دایكی و هاوسەرەكەی و برایەكی خۆی كوشتووە”.
ئەوەش ئاشكراكراوە، “ئەو كەسە بە دەمانچە ئەندامەكانی خێزانەكەی خۆی كوشتووە، دواتر خۆشی بە هەمان دەمانچە كوشتووە، بەبێ ئەوەی هۆكاری ئەو ڕوداوە دیار بێت”.
سەرچاوە ئەمنییەكە ئاماژەی بەوەشكردووە، ئەنجامدەری تاوانەكە هەوڵی داوە باوكی خۆشی بكوژێت بەڵام سەركەوتوو نەبووە و تەنها برینداری كردووە.
