مەزهەر محەمەد ساڵح راوێژکاری دارایی سودانی رایگەیاند، عێراق لە مەترسییەکانی قەرزە کەڵەکەبووەکانی رزگاری بووە تەنها بڕێکی کەمی ماوەتەوە.
مەزهەر محەمەد ساڵح رایگەیاندووە، لە ماوەکانی رابردوودا بەهۆی جەنگە یەک بەدوای یەکەکانی عێراق وڵاتەکە کەوتبووە ژێرباری قەرزێکی زۆرەوە، بەڵام بەهۆی ئەو بەرنامە حکومییەی محەمەد شیاع سودانی دایڕشت توانرا لە بەشێکی زۆری ئەو قەرزانە رزگارمان بێت.
وتیشی، لە ئێستادا ئەو قەرزانەی لەسەر عێراق ماونەتەوە ناگاتە 9 ملیار دۆلار و تایبەتە بە لایەنە نێودەوڵەتییەکان ئەو بڕەش تا ساڵی 2028 دەدرێنەوە.
