بەڕێوەبەرایەتیی تەندروستیی سلێمانی رایدەگەیەنێت، لە شەوی 8ی مارس-دا دوو پزیشك لە قەزای پێنجوێن ژیانی دایكێك و دوو كۆرپەكەی لە مەرگ رزگاردەكەن.
بەپێی راگەیەندراوێكی بەڕێوەبەرایەتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە درەنگانێكی شەوی 8/7 ی مارس 2023 كاتژمێر 2ی شەو لە نەخۆشخانەی گشتیی شەهیدانی پێنجوێن دایكێك كە دووگیان بوو بە منداڵی دووانە بەهۆی بەردانی پێشوەختەی وێڵاشەوە ژیانی خۆی و منداڵەكانی بە تەواوی كەوتە مەترسییەوە.
لە راگەیەندراوەكەدا هاتووە، خۆی و منداڵەكانی كەوتنە باری بێهۆشی تەواوەوە، بەڵام زۆر بەزوویی لەلایەن دكتۆرە میدیا ڕەئووف پزیشكی پسپۆڕیی ژنان و منداڵبوون و دكتۆرە (نەشمیل فازڵ) پزیشكی بێهۆشكار و ستافی نەشتەرگەری لەو درەنگانەی شەودا توانرا ژیان بۆ دایكەكە و دوو كۆرپەكە بگەڕێنرێتەوە ئەمە لەكاتێكدا تەمەنی كۆرپەكان 35 هەفتەبووە و باری تەندروستییان زۆر ناجێگیربووە.
