بەڕێوبەرایەتی ئاوی سلێمانیی ڕایدەگەیەنێت، ئەو ڤیدیۆیەی لە هەندێك پەیج و دەزگای ڕاگەیاندن بڵاوكراوەتەوە و ئاماژەبەوە كراوە كە تانكی بەڕێوەبەرایەتیی ئاوی سلێمانی پیسە و ئاژەڵی مرداربووی تێدایە دوورە لە ڕاستییە و پەیوەندیی بە خەزان تانكیيەكانی بەڕێوەبەرایەتیمانەوە نییە.
بەپێی ڕاگەیەندراوێكی فەرمانگەی ئاوی سلێمانی تێیدا هاتووە، ” هاوڵاتییان دڵنیا دەكەینەوە ئەو تانكییە دوور و نزیك پەیوەندی بە خەزان و تانكییەكانی بەڕێوەبەرایەتیمانەوە نییە”.
ئاماژە بەوەشكراوە، هەموو 3بۆ 6 مانگێك تانكییەكانی بەڕێوەبەرایەتیمان لەلایەن ستافێك لە ئەندازیار و كارمەندی هونەری پاكدەكرێنەوە و دەشۆرێن و بەردەوام بەدواداچوونيان بۆ دەكرێت.
