دوای نیوەڕۆی ئەمڕۆ یەکشەممە، شەڕ و پێکدادانی سەخت لە نێوان هێزەکانی پاسەوانی سنووری ئێران و هێزەكانی تاڵیبانی ئەفغانستاندا روویدا و چەکی قورس لە دژی یەكدی بەكاردەهێنن.
بەپێی سەرچاوەكانی هەواڵی ئەفغانستان، لەوانە “هەرات نیوز” و “ئاماج نیوز”، هێزەكانی تاڵیبان بارەگایەكی هێزە ئەمنییەكانی ئێرانیان لەسەر سنووری نێوان هەردوو وڵاتەكە بەر مووشەك داوە، لە وەڵامدا هێزەكانی پاسەوانی سنووری ئێران بە تۆپ و مووشەك هێرشیانكردووە، بەو هۆیەوە چەند پێگە و خانوویەك لە ناوچەی غەوادر عەبدولڕەحمان لە خۆرئاواوی شاری زرنجی سەر بە پارێزگای نیمروز لە ئەفغانستان پێكراون.
لە درێژەی ئەو شەڕەدا، هێزەكانی تاڵیبان ژمارەیەك تانك-ـیان بەرەو ناوچە سنوورییەكان جووڵاندووە و میدیای نیمچەفەرمیی ئێران دەڵێت، پێكدادانەكان زیانی گیانییان لێنەكەوتووەتەوە.
