وەزارەتی رۆشنبیری و لاوانی حکومەتی ههرێم، لەبارەی دۆخی ئێستای رۆژهەڵاتی ناوەڕاستەوە، گشتاندنێکی ئاراستەی سهرجهم دەزگاکانی راگەیاندن کرد.
وەزارەتەکە لە گشتاندنەکەدا ئاماژەی بەوەکردووە، “ئەمڕۆ ناوچەکە بە دۆخێکی هەستیاردا تێدەپەڕێت، راگەیاندن ئامرازێکی کاریگەرە و میدیای کوردی دەتوانێت رۆڵی گرنگ لە پاراستنی ئاسایشی کۆمەڵایەتی و بنکەی بێلایەنانەی هەرێمی کوردستان لە رووداوەکانی ناوچەکەدا بگێڕێت”.
دەشڵێت، “لەم سۆنگەیەوە ئاگاداری سەرجەم کەناڵەکانی راگەیاندن و پەیج و بهکارهێنەرانی سۆشیال میدیا دەكەینەوە، کە پێویستە رەچاوی ئاسایشی كۆمەڵایەتی و باری دەروونیی خەڵک بكرێت و هیچ جۆرە هەواڵێکی بێسەرچاوە و نادروست، دەربارەی پەرهسهندنهکانی ناوچەکە و لێکەوتەکانی، بڵاونەکرێتەوە کە لایەنگریی تێدابێت. هەموو جۆرە هەواڵێک لەبارەی ئەمنیەتی کوردستان و زانیاری دەربارەی رووداوەکان، تەنها لە سەرچاوەی فەرمی وەردەگیرێت”.
داواشدەکات، “ههموولایهک بهرپرسیارانە مامەڵە لەگەڵ ئەم رووداو و پێشهاتانە بکەن، هەر لایەن و دامەزراوەیەکی میدیایی و بهکارهێنەرانی سۆشیال میدیا، هەواڵی بێبنەما بۆ تێکدانی ئاسایشی هەرێمی کوردستان و ترس و تۆقاندن بڵاوبکاتەوە، رووبەڕووی لێپرسینەوەی یاسایی دەکرێتەوە”.
