بەڕێوەبەرایەتیی كەشناسی و بومەلەرزەزانیی هەرێم رایدەگەیەنێت، ئەمڕۆ و سبەی ئاسمان لە نێوان نیمچەهەور بۆ هەوری تەواو دەبێت و لە ناوچەكانی سنووری پارێزگای دهۆكیش نمەباران دەبارێت، پلەكانی گەرماش نزم دەبنەوە.
بەپێی راگەیەندراوێكی بەڕێوەبەرایەتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی، ئاسمان نیمچەهەور بۆ هەوری تەواو دەبێت، لە هەندێك ناوچە بە تایبەت ناوچە شاخاوییەكانی پارێزگای دهۆك ئەگەری كەمێك بارانبارین هەیە.
لە راگەیەندراوەكەدا هاتووە، سبەی شەممە ئاسمان پەڵەهەور و نیمچەهەور دەبێت و لە هەندێك ناوچە دەگۆڕێت بۆ هەوری تەواو، پلەكانی گەرماش یەك بۆ دوو پلە نزم دەبنەوە.
بەرزترین پلەكانی گەرمای پێشبینیكراو بە پلەی سیلیزی:-
هەولێر : 21 پلەی سیلیزی
سلێمانی : 21 پلەی سیلیزی
دهۆك : 20 پلەی سیلیزی
كەركوك : 24 پلەی سیلیزی
هەڵەبجە : 21 پلەی سیلیزی
زاخۆ : 21 پلەی سیلیزی
سۆران : 20 پلەی سیلیزی
گەرمیان : 25 پلەی سیلیزی
