بەڕێوەبەری چاودێری و بازرگانیی سلێمانی رایدەگەیەنێت، نرخی پیاز دابەزیوە و یەك كیلۆی لە 2500 دیناربووە بە 1000 دینار.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، نرخی پیاز هەرزانبوونی بەخۆوە بینیوە و یەك كیلۆ پیاز لە 2500 دینارەوە دابەزیوە بۆ 1000 بۆ 1250 دینار و لە عەلوە یەك كیلۆ پیاز بە 900 بۆ هەزار دینارە.
راشیگەیاند، پێشتر بەرهەمی پیاز لە بازاڕەكاندا كەمبووەوە ئەوەش وایكرد نرخەكەی بەرزبێتەوە، بەڵام ئێستا نرخەكەی هاوشێوەی پێشترە.
