ئەندرێس مانوێل سەرۆكی مەكسیك، بە بڵاوكردنەوەی دوو وێنە كاردانەوەیەكی جیهانیی هێناوەتەئاراوە و بووەتە باسی گەرمی میدیا و تۆڕە كۆمەڵایەتییەكان.
مانوێل دوو وێنەی لە تۆڕی كۆمەڵایەتیی تویتەر بڵاوكردەوە و ئاماژەی بۆ ئەوە كرد كە یەكێكیان وێنەی “جنۆكەی دارستانە لە شەودا و لەسەر چڵی دارێك گیرساوەتەوە”، وتەیەك كە هەر زوو بووە مایەی رەخنەگرتن و تەنزهۆنینەوەی هەزاران كەس لە مەكسیك كە دواتر تەشەنەیسەند بۆ سەرتاسەری جیهان.
سەرۆكی مەكسیك لە تویتەكەیدا نووسیویەتی، “ئەندازیارێك پێش سێ رۆژ توانی وێنەی جنۆكەی “Aluxe” بگرێت.
جنۆكەی “Aluxe” كە ئەندرێس مانوێل باسیكردووە، لە ئەفسانە دێرینەكانی مەكسیكدا هاتووە و بەپێی ئەفسانەكان، ئەلۆكس لە دارستاندا دەردەكەوێت و توانای شاردنەوەی شتەكان و سەرلێشێواندنی مرۆڤی هەیە.
