وەزارەتی دارایی هەرێم رایدەگەیەنێت، “بەڕێوەبەری بانكی ناوەندیی هەرێم لە سلێمانی بڕیاریدا لەم قۆناغەدا مانگانە بڕی یەك ملیار دینار بە شێوەی چوار سولفە بۆ كۆمپانیای جێبەجێكاری پڕۆژەی ڕێگای دووسایدكردنی دەربەندیخان ـ كەلار خەرجبكرێت تا كارەكانی پڕۆژەكە بەردەوامبێت”.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، سەبارەت بە پڕۆژەی دووسایدكردنی رێگای دەربەندیخان ـ زەڕایەن وەزیری دارایی و ئابوری، لایەنە پەیوەندیدارەكانی ڕاسپاردووە كێشەكانی كۆمپانیای جێبەجێكار چارەسەربكەن و دوای وردبینی لە كارەكانی و یەكلاكردنەوەی دۆسیەكانی، مانگانە پێشینەی بۆ خەرجدەكرێت.
