بەڕێوەبەرایەتیی هاتوچۆی سلێمانی روونکردنەوەیەکی بڵاوکردەوە و ئاشکرایکردووە، بوونی ئامێری GPS لە کاتی پشکنینی ئۆتۆمبێلدا نەکراوە بە مەرج.
لە راگەیەندراوێکدا بەڕێوەبەرایەتیی هاتوچۆی سلێمانی، سەرجەم ئەو هەواڵانە رەتدەکاتەوە کە باس لەوە دەکەن دانانی ئامێری شوێن دیاریکردن دەبێت بە مەرج لە کاتی پشکنینی ئۆتۆمبێلدا.
بەپێی راگەیەندراوەکە، “ئەم هەواڵە دوورە لە راستییەوە و هیچ بڕیارێکی لەو شێوازە نە لە وەزارەتی ناوخۆ و نە لە هاتوچۆی سلێمانی بوونی نییە و لەکاتی پشکنینی ئۆتۆمبێل ئەو ئامێرە نەکراوە بە مەرج”.
