بەڕێوەبەرایەتیی پاسپۆرتی سلێمانی رایدەگەیەنێت، ئاگاداری ئەو ھاوڵاتییانە دەكەین لە دەرەوەی عێراق نیشتەجێن و دەیانەوێت بگەڕێنەوە بۆ هەرێمی كوردستان بە مەبەستی نوێكردنەوەی پاسپۆرتەكانیان، لە ئێستادا نەگەڕێینەوە، چونكە ناتوانین هاوكارییان بكەین و پاسپۆرتیان زوو بۆ تەواوبكرێت وەكو پێشوو.
لە راگەیەندراوەكەی بەڕێوەبەرایەتیی پاسپۆرتی سلێمانیدا هاتووە، بەهۆی نەبوونی دەفتەری پاسپۆرت لە سەرجەم پارێزگاكانی عێراق و كوردستان داواكارین لە هاوڵاتییانی نیشتەجێی دەرەوەی هەرێمی كوردستان لە ئێستادا سەردان نەكەن بە مەبەستی نوێكردنەوەی پاسپۆرتەكانیان بەو پێیەی كاتەكەی گونجاو نییە و پاسپۆرتی پێویست بەردەست نییە.
هەر لە راگەیەندراوەكەدا هاتووە، “تەنها پاسپۆرت بۆ ئەو كەسانە دەكرێت، كە نەخۆشن و ژیانیان لە مەترسیدایە”.
