سەرۆكی یەكێتی سووتاندنی قورئانی پیرۆز لە سوید بە هەوڵ بۆ تێكدانی گیانی تەبایی ناودەبات و دەشڵێت، یەکێتی رێزی هەموو ئایینەكان دەگرێت و هێرشکردنە سەر پیرۆزییەکان رەتدەکاتەوە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێكدا رایگەیاند، سووتاندنی قورئانی پیرۆز لە سوید دوورە لە هەموو ئازادییە کەسییەکانەوە و هەوڵێکی نەزۆکە بۆ تێکدانی گیانی تەبایی و پێکەوەژیان. یەکێتی رێزی هەموو ئاین و ئاینزاکان دەگرێت و هێرشکردنە سەر پیرۆزییەکان رەتدەکاتەوە.
بافڵ جەلال تاڵەبانی لە پەیامەكەیدا داوا لە حکومەتی سوید دەكات “وەک کۆڵەکەیەکی پاراستنی مافی مرۆڤ و ئازادییە کەسییەکان، رێوشوێنی پێویست و یاسایی بگرێتەبەر بۆ رێگرتن لە دووبارەنەبوونەوەی رووداوی لەو شێوەیە”.
