هەوادارانی تۆپی پێ سەرسامبوون، کاتێک داوەری یاریی نێوان تیپەکانی کچانی سپۆرتینگ لشبۆنە و بەنفیکا لە خولی پۆرتوگال، کارتی سپی بە ڕووی ستافی پزیشکی هەردوو یانەکەدا بەرزکردەوە.
سەرچاوەکان لەو بارەیەوە نووسیویانە، کارتی زەرد و سوور لە یارییدا بۆ سزادانی یاریزانانە، بەڵام لە ئێستادا فیدراسیۆنەکانی تۆپی پێ تاقیکاریی لەسەر بەکارهێنانی کارتی سپی دەکەن.
As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF
— B24 (@B24PT) January 21, 2023
کارتی سپی تایبەتە بە “ڕۆحی وەرزشی” و بە پێچەوانەی زەرد و سوورەوە، بۆ یاریزانان و هەر ئامادەبوویەکی نێو یاریگا پاداشتێکی بەرزە لەلایەن داوەرەوە.
لە یاریی نێوان بەنفیکا و لشبۆنە کاتێک ئەنجامەکە (3-0) بوو، ڕووداوێکی تەندروستیی نەخوازراو ڕوویدا.
ستافی پزیشکیی هەردوو جەمسەرەکە چوونە نێو یاریگا و هاوکاریی هاندەرێکیان کرد، ئەوەش شایستەی سوپاسگوزاری بوو، بۆیە داوەر کارتی سپی بۆ پزیشکی هەردوولا بەرزکردەوە.
