بەڕێوەبەرایەتیی گشتیی کارەبای سلێمانی، هاوڵاتییان لەبارەی پارەی كارەباوە ئاگاداردەكاتەوە.
لە راگەیەندراوێكدا كە ئەمڕۆ شەممە بە ناونیشانی “چۆن پارەى کارەبا وەردەگیرێت؟” بڵاویكردووەتەوە، بەڕێوەبەرایەتیی گشتیی کارەبای سلێمانی دەڵێت، “ئاگاداری هاوڵاتییان و هاوبەشانی کارەبای سنووری بەڕێوەبەرایەتیى گشتیى کارەباى سلێمانى دەکەینەوە، کە لە ئێستادا ژمێرکاری کارەبا پسووڵەى کارەبا دەهێنێتەوە بۆ ماڵەکان و هاوڵاتییان دەتوانن لە بەردەم ماڵەکانیاندا پارەى کارەبا بدەن”.
بەڕێوەبەرایەتیی گشتیی کارەبای سلێمانی ئاماژەی بۆ ئەوەش كردووە كە هاوڵاتییان تەنیا پارەى خەرجیى مانگانەى کارەبایان لێوەردەگیرێت و قەرز وەرناگیرێت، هۆشداریش دەدات بە هاوڵاتییان لەوەی بەبێ بوونی ئەو نیشانانەی خوارەوە، پارەی پسووڵەی کارەبا بە هیچ کەسێکی تر نەدەن:-
- کارمەندانی ژمێرکار هێلەكی تایبەتیان پۆشیوە کە (لۆگۆ)ی وەزارەتی کارەبای لەسەر نەخشێندراوە.
- ژمێرکار باج و مۆری تایبەتیان بەو کارە پێیە.
