بۆ رێگەگرتن لە بڵاوبوونەوەی پەتای تای خوێنبەربوون، لیژنە هاوبەشەكانی قائیمقامیەتی سلێمانی بە هاوبەشی فەرمانگە پەیوەندیدارەكان هەڵمەتێكی خاوێنكردنەوەیان لە ناو بازاڕ و لەنێو گۆشتفرۆشەكاندا ئەنجامدا.
ئێوارەی ئەمڕۆ لیژنە هاوبەشەكانی قائیمقامیەتی سلێمانی بە بەشداریی فەرمانگە تەندروستییەكان هەڵمەتێكی پرژاندنی خاوێنكەرەوە (تەعقیم)ی بێركۆن لە دووكانەكانی بەر بەلەدێكە لەنێو بازاڕی سلێمانی دەستپێكرد.
رێكان جەمال، سەرۆکی لیژنە هاوبەشەکانی قائیمقامیەتی سلێمانی بە تۆڕی میدیایی ئێستای راگەیاند، پەتاكە تائێستا سلێمانی نەگرتووەتەوە، هەڵمەتەكە هەنگاوێكە بۆ خۆپارێزی بەمەبەستی پاراستنی سەلامەتی و تەندروستیی خەڵك.
وتیشی، هەنگاوەكەی ئەمشەو دەستپێكە، سەرجەم شوێنەكانی هێشتنەوەی ئاژەڵ و قەسابخانەكان دەگرێتەوە.
سەبارەت بە رۆژانی جەژنیش رێكان جەمال ئەوەی خستەڕوو، رێكاری توند دەگیرێتەبەر و رێگانادرێت هیچ كەسێك لە دەرەوەی قەسابخانە هیچ ئاژەڵێك سەرببڕێت.
