ئەمشەو 11ی كانونی یەكەم، چەكدارانی داعش هێرشیانكردە سەر گوندی ئیسڵاح لە ناحیەی گوڵاڵە و دوو هاوڵاتی شەهیدبوون و سیانی تر برینداربوون.
بەگوێرەی زانیارییەكانی “تۆڕی میدیایی ئێستا” داعشەكان لەڕێگەی هاوەن و قەناسەوە، دوو هاوڵاتی دانیشتووی گوندەكەیان شەهیدكردووە، هاوڵاتییەكی تر و دوو سەربازی سوپای عێراق برینداربوون و یەكێك لە قوربانییەكان ژنێكی بەساڵاچووی دانیشتووی گوندەكەیە.
هەر بەپێی زانیارییەكان، دوای ئەوەی داعشەكان پێنج گولە هاوەنیان بە گوندەكەوە ناوە و تەقەیان كردووە، دانیشتووانی گوندی ئیسڵاح و هێزێكی سوپای عێراق لە چەكدارانی داعش هاتوونەتە دەست و بە هاوەن و دەستڕێژی گولە بەرپەرچی هێرشەكەیان داوەتەوە و لە ئەنجامدا چەكدارانی داعش هەڵهاتوون.
