بەڕێوەبەرایەتیی هاتوچۆی هەولێر ئاشکرایکرد، ئەمڕۆ دوو رووداوی هاتوچۆ روویانداوە و بەهۆیەوە کەسێک گیانی لەدەستداوە و چواری دیکە برینداربوون.
بەپێی راگەیەندراوی فازڵ حاجی وتەبێژی هاتوچۆی هەولێر، کاتژمێر 1:00ی پاشنیوەڕۆ لەسەر شەقامی 120 مەتریی رووداوێکی هاتوچۆ روویداوە و بەهۆیەوە دوو کەس برینداربوون کە هاوسەربوون.
ئاماژەی بەوەشکردووە، کە رووداوەکە لەدەستدانی کۆنترۆڵی ئۆتۆمبێلێکی جۆری هیوندای بووە زیانی ماددیی زۆریشی بە رێگاکە گەیاندووە.
هەر ئەمڕۆ لەسەر رێگای هەولێر – پیرمام رووداوێکی هاتوچۆ روویدا و بەهۆیەوە کەسێک گیانیلەدەستدا و دوو کەسی دیکەش برینداربوون.
